စူပါဆိုင်ကလုန်းမုန်တိုင်းကြီး PHAILIN-02B အိန္ဒိယကမ်းခြေအား ဖြတ်ကျော်ဝင်ရောက်လျှက်ရှိ

အောက်တိုဘာလ ၁၂ ရက်၊ ယနေ့ ၁၅း၃ဝ နာရီ( ညနေ ၃ နာရီခွဲ)တွင် စူပါဆိုင်ကလုန်းမုန်တိုင်းကြီး PHAILIN ၏ ဗဟိုသည် ကုန်းတွင်းသို့ ဖြတ်ကျော်ဝင်ရောက်လုနီး အခြေအနေအား ဖေါ်ပြပါ ဂြိုလ်တုပုံတွင် တွေ့နိုင်ပါသည်။

မုန်တိုင်းအဖျားပိုင်းကုန်းတွင်းသို့ စတင်ဝင်ရောက်ပြီးနောက် အင်အားအနည်းငယ်လျော့ကျသွားပြီး အဆင့်-၄ ဆိုင်ကလုန်းမုန်တိုင်း(မုန်တိုင်းဗဟိုလေတိုက်နှုန်း ၁၃ဝ နော်တီကယ်မိုင်(150 mph) ဖြင့် ဆက်လက်ဖြတ်ကျော်ဝင်ရောက်လျှက် ရှိပါသည်။

အဆင့်-၅ စူပါဆိုင်ကလုန်းမုန်တိုင်းကြီး ဖြစ်လာမည့် PHAILIN-02B

မုန်တိုင်း (PHAILIN – 02B)က အခု အဆင့်-၄ ဆိုင်ကလုန်းမုန်တိုင်းကြီး ဖြစ်လာပြီး၊ ဒီနေ့ ညနေ ၆နာရီခွဲမှာ အဆင့်-၅ စူပါဆိုင်ကလုန်းမုန်တိုင်းကြီး ဖြစ်လာမယ်လို့ ခန့်မှန်းထားပါတယ်(ဆိုင်ကလုန်းမုန်တိုင်းတွေထဲမှာ အမြင့်ဆုံး အဆင့်ဖြစ်ပါတယ်) ၁၂ ရက်နေ့ မနက် ၆ နာရီခွဲမှာ အားအပြင်းဆုံးအဆင့်ကို ရောက်မှာ ဖြစ်ပြီးတော့ ဗဟိုလေတိုက်နှုန်း ၁၄၅ နော်တီကယ်မိုင်(တစ်နာရီ မိုင် ၁၇ဝ နီးပါး) ရှိလာပါမယ်၊ သူ့အရှိန်ရဲ့ သက်ရောက်မှုကလဲ ကျနော်တို့ ကမ်းရိုးတန်းဒေသတွေအတွက် ပိုများလာနိုင်ပါတယ်။

အောက်တိုဘာလ ၁၁ ရက် ၁၈း၃ဝ နာရီ(ညနေ ၆နာရီခွဲ)မှာ အဆင့်-၅ ဆိုင်ကလုန်းမုန်တိုင်းကြီး ဖြစ်လာပြီးတဲ့နောက် မုန်တိုင်းအရှိန်ကြောင့် ဖြစ်ပေါ်နိုင်မဲ့ လေတိုက်နှုန်း ခန့်မှန်းမြေပုံ (GFS MODEL)ကို တင်ပြထားပါတယ်။ Facebook . . . → Read More: အဆင့်-၅ စူပါဆိုင်ကလုန်းမုန်တိုင်းကြီး ဖြစ်လာမည့် PHAILIN-02B