ဘင်္ဂလားပင်လယ်အော် အနောက်မြောက်ပိုင်းတွင် လေဖိအားနည်းရပ်ဝန်း ဖြစ်ပေါ်နိုင်

GFS ကွန်ပျူတာမော်ဒယ်၏ မေလ ၅ ရက် မြန်မာစံတော်ချိန် ဝ၆း၃ဝ နာရီတွင် ရရှိသည့် ကြိုတင်ခန့်မှန်းပုံဖေါ်ချက်များအရ ဘင်္ဂလားပင်လယ်အော် အနောက်မြောက်ပိုင်း၊ အိန္ဒိယနိုင်ငံ အနောက်ဘင်္ဂလားပြည်နယ်နှင့် သြရိသကမ်းခြေအနီးတွင် မေလ ၁၁ ရက် (မြန်မာစံတော်ချိန်ဖြင့် ညနေပိုင်း) မှ စတင်၍ လေဖိအားနည်းရပ်ဝန်းတစ်ခု ဖြစ်ပေါ်နိုင်ပြီး ဘင်္ဂလားဒေ့ရ်ှကမ်းရိုးတန်းအတိုင်း အရှေ့ဘက်သို့ ဆက်လက်ရွေ့လျားကာ မုန်တိုင်းငယ်အဆင့်မှ အားကောင်းသောအပူပိုင်းမုန်တိုင်းတစ်လုံး ဖြစ်ပေါ်လာနိုင်ကြောင်း တွေ့ရပါသည်။

GFS ကွန်ပျူတာမော်ဒယ်မှ မုန်တိုင်း ဖြစ်ပေါ်လာနိုင်မည့် အခြေအနေအားခန့်မှန်းထားရာတွင် ရေတစ်ဝက်/ကုန်းတစ်ဝက်ဖြစ်ပေါ်နိုင်မည့် အနေအထားကြောင့် အားအလွန်ကောင်းမည့် အခြေအနေမရှိသော်လည်း မေလ ၁၂ ရက် မြန်မာစံတော်ချိန် ညနေပိုင်းတွင် အားအကောင်းဆုံး အခြေအနေသို့ ရောက်ရှိနိုင်ကြောင်း၊ မြန်မာနိုင်ငံနှင့် ဘင်္ဂလားဒေ့ရ်ှနိုင်ငံ နယ်စပ်အနီးမှ ဖြတ်ကျော်၍ ကုန်းတွင်းသို့ ဝင်ရောက်စဉ် မုန်တိုင်း ညာဘက်ခြမ်း၌ ရခိုင်ပြည်နယ် မြောက်ပိုင်းစွန်း(စစ်တွေမှ ဘူးသီးတောင်/မောင်တောဒေသအထိ)သို့ မုန်တိုင်းအင်အား သက်ရောက်နိုင်မည်ဖြစ်ကြောင်း ကြိုတင်ခန့်မှန်းပုံဖေါ်ချက်များတွင် တွေ့ရှိရပါသည်။

ယခုတင်ပြခြင်းသည် ကွန်ပျူတာ ခန့်မှန်း မော်ဒယ်(GFS)မှ ကြိုတင်ခန့်မှန်းပုံဖေါ်ရရှိခြင်း ဖြစ်ပါသည်။ နေ့စဉ်ရရှိသည့် အချက်အလက်များအရ ပုံဖေါ်ခန့်မှန်းချက် ပြောင်းလဲမှုများ ရှိနိုင်ဦးမည် ဖြစ်ပါသဖြင့် “အပြည်ပြည်ဆိုင်ရာ အသိအမှတ်ပြု လေဖိအားနည်းရပ်ဝန်း” စတင်ဖြစ်ပေါ်ပြီး ဆက်လက်ရွေ့လျားကာ မုန်တိုင်းအဆင့်သို့ ရောက်ရှိလာမည့် အခြေအနေနှင့် ဆက်လက်ရွေ့လျားမည့် လမ်းကြောင်းအခြေအနေတို့အား ဆက်လက်စောင့်ကြည့် တင်ပြပေးသွားမည်ဖြစ်ပါကြောင်း ကြိုတင် အသိပေးတင်ပြလိုက်ရပါသည်။

GFS ကွန်ပျူတာမော်ဒယ်(WUND image)မှ ရရှိသော  “မေလ ၁၁ ရက် မြန်မာစံတော်ချိန် ၁၂း၃ဝ နာရီမှ မေလ ၁၂ ရက် မြန်မာစံတော်ချိန် ၁၅း၃ဝ နာရီအထိ ကာလအတွင်း လေဖိအားနည်းရပ်ဝန်း စတင်ဖြစ်ပေါ်နိုင်ခြေမှ မုန်တိုင်းငယ် အဆင့်သို့ ဖြစ်ပေါ်နိုင်ခြေနှင့် ရွေ့လျားမည့် လမ်းကြောင်းခန့်မှန်းပုံများ” ကို အောက်ပုံများတွင် တင်ပြထားပါသည်။

11MAY-0600Z
11MAY-1800Z
 12MAY-0000Z
 12MAY-0900Z

1 comment to ဘင်္ဂလားပင်လယ်အော် အနောက်မြောက်ပိုင်းတွင် လေဖိအားနည်းရပ်ဝန်း ဖြစ်ပေါ်နိုင်

  • အထက်ပါ post အရ မုန်တိုင်းငယ် ဖြစ်ပေါ်ပြီး မေလ ၁၂ ရက် ညနေပိုင်းတွင် မြန်မာနိုင်ငံနှင့် ဘင်္ဂလားဒေ့ရ်ှနယ်စပ်အနီး ကုန်းတွင်းသို့ ဖြတ်ကျော်ဝင်ရောက်ပြီးပါက မြန်မာနိုင်ငံ အလယ်ပိုင်းဒေသအချို့(ပုံ)တွင် တောင်ဘက်မှ လေပြင်းများ ကျရောက်နိုင်ကြောင်း GFS ကွန်ပျူတာမော်ဒယ် ခန့်မှန်းချက်တွင် တွေ့ရှိရသဖြင့် နောက်ဆက်တွဲ ကြိုတင် အသိပေးတင်ပြလိုက်ရပါသည်။

You must be logged in to post a comment.