အချိန်နှင့်တစ်ပြေးညီသတင်း VS ကြိုတင်အသိပေးသတင်း

ရာသီဥတုပြောင်းလဲခြင်းကြောင့် မိုးလေဝသဖြစ်စဉ်များသည် ဆယ်စုနှစ်တစ်ခုအတွင်း အန္တရာယ်ကြီးမားသော/ပျက်စီးဆုံးရှုံးမှုကြီးမားသော သဘာဝဘေးအန္တရာယ်တစ်ခုအဆင့်သို့သို့ရောက်ရှိလာကြောင်း ယနေ့ကမ္ဘာအရပ်ရပ်တွင် ကြုံတွေ့ ခံစားရလျှက်ရှိသည့် သဘာဝဘေးအန္တရာယ် ဖြစ်စဉ်များက ထင်ဟပ်လျှက်ရှိပါသည်။

အချိန်နှင့်တစ်ပြေးညီသတင်း(မီဒီယာကဏ္ဍ)
လတ်တလောဖိလစ်ပိုင်နိုင်ငံ အလယ်ပိုင်းဒေသအား တိုက်ခတ်ခဲ့သည့် အဆင့်-၅ စူပါတိုင်ဖွန်းမုန်တိုင်းသည် တစ်နာရီလျှင် ၂၃၅ မိုင်နှုန်း(တစ်နာရီ ၃၈ဝ ကီလိုမီတာနှုန်း)အထိအားပြင်းသောလေပြင်းများအပြင် ၅၄ ပေ အမြင့်ရှိသည့် မုန်တိုင်းဒီလှိုင်းများ(ကမ်းခြေအား ဖြတ်ကျော်စဉ် ၁၅ ပေမှ ပေ ၂ဝ ခန့်အထိ လျော့ကျ)ကြောင့် ငလျင်ကြီးလှုပ်အပြီး ဆူနာမီရေလှိုင်းများ ဝင်ရောက်သည့်ပမာအလား ဖိလစ်ပိုင်နိုင်ငံ Talcoban မြို့အား ဝင်ရောက်ဖျက်ဆီးခဲ့သည်ကို သတင်းထုတ်ပြန်ချက်များတွင် အချိန်နှင့်တစ်ပြေးညီ တွေ့ရ၊ မြင်ရ၊ သိရှိရပါသည်။

စူပါတိုင်ဖွန်းမုန်တိုင်းကြောင့် လူ့အသက်များ ရာနှင့်ချီ၍ သေကြေပျက်စီးရသည့်အပြင် အဆောက်အဦ ၉ဝ% ပျက်စီးဆုံးရှုံးခဲ့ရကြောင်း၊ မုန်တိုင်းဒဏ်မှ ခိုလှုံရာ အဆောက်အဦများ(Storm Shelter)များပင် ပျက်စီးခဲ့ကာ အဆောက်အဦများ၏ ဒုတိယအထပ်သို့တိုင်အောင် ရေလှိုင်းများ စီးဝင်ရိုက်ခတ်ခဲ့ကြောင်း ကမ္ဘာ့သတင်းဌာနကြီးတစ်ခုဖြစ်သည့် CNN မှ ထုတ်လွှင့်ပြသသွားခဲ့ပါသည်။ Video footage များရရှိအောင် မုန်တိုင်း လေပြင်းများအနည်းငယ်စဲသည်နှင့် အပျက်အစီးများဖြင့် ပြည့်နှက်နေပြီး ရေများဖုံးလွှမ်းနေဆဲ လမ်းများပေါ်သို့ ထွက်၍ရိုက်ယူတင်ပြခဲ့သည့် သတင်းထောက်များကိုလည်း ချီးကျူးရမည် ဖြစ်ပါသည်။

၎င်းတို့၏ အားစိုက်ကြိုးပန်းမှုကြောင့် မုန်တိုင်းတိုက်ခတ်နေသည့် အချိန်မှာပင် ကမ္ဘာတစ်ဝှမ်းမှ ရုပ်သံပရိသတ်များက မုန်တိုင်းတိုက်ခတ်နေသည့် အခြေအနေအား အချိန်နှင့်တစ်ပြေးညီကြည့်ရှုခွင့် ရခဲ့ကြပါသည်။

ဤသည်မှာ မီဒီယာကဏ္ဍမှ “အချိန်နှင့်တစ်ပြေးညီ” အပင်ပန်းခံကြိုးစားတင်ဆက်လိုက်သည့် ပြောင်မြောက်သောအလုပ်တစ်ခု ဖြစ်သည်ဟု ဆိုရပါမည်။ သတင်းများကို ဖြစ်လျှင်ဖြစ်ချင်း တတ်နိုင်သမျှ အချိန်နှင့်တစ်ပြေးညီ တင်ဆက်ရသည့်အလုပ်မှာ မီဒီယာတို့ကြိုးစားရမည့် အလုပ်ဖြစ်ပြီး ယနေ့ကမ္ဘာ့သတင်းဌာနများမှအပြိုင်အဆိုင်တင်ပြရန် ကြိုးပန်းကြကြောင်း တွေ့ရပါသည်။

“နောက်ကျသွားသည့် သတင်းဖြစ်လေ သတင်း၏တန်ဘိုးလျော့ကျသွားလေဖြစ်သည်” ဟု ကျနော့်ဘဝတွင် မှတ်သားဖူးသည့် စကားတစ်ခွန်းရှိပါသည်။

P1060932
အချိန်နှင့်တစ်ပြေညီ သတင်းထုတ်ပြန်နိုင်ရန် ရေဖုံးလွှမ်းနေဆဲလမ်းပေါ်ထွက်၍ ဗီဒီယိုရိုက်ကူးနေသည့် သတင်းထောက်တစ်ဦး ..

ကြိုတင်အသိပေးသတင်း(ပညာရှင်ကဏ္ဍ)
အချိန်နှင့်တစ်ပြေးညီ ဟူသောစကားလုံးသည် မီဒီယာတို့အတွက်သာ မှန်ကန်ပြီး သဘာဝဘေးအန္တရာယ်နှင့်ပတ်သက်၍ ပြည်သူလူထု အန္တရာယ်အပေါင်းမှ လွတ်ကင်းစေရန် အသိပေးတင်ဆက်နေရသည့် ခန့်မှန်းကြေငြာသူတို့အတွက်မူ အချိန်နှင့်တစ်ပြေးညီဟု ဆိုလျှင် နောက်ကျနေပြီဖြစ်ပါသည်။ အချိန်နှင့်တစ်ပြေးညီထက်စောသော ကြိုတင်သတင်း၊ ဖြစ်နိုင်လျှင် ကယ်ဆယ်ရွှေ့ပြောင်းနေရာချထားရေး လုပ်ငန်းများဆောင်ရွက်နိုင်ရန် အချိန်လုံလောက်စွာပေးနိုင်မည့် မှန်ကန်သောကြိုတင်အသိပေးသတင်းကို မိုးလေဝသခန့်မှန်းသူများ(အားလုံး)က ထုတ်ပြန်ပေးရန်လိုအပ်သည့် အချိန်ကျရောက်လာပြီ ဖြစ်ပါသည်။

အချိန်နှင့်တစ်ပြေးညီ ထုတ်ပြန်ပေးခြင်းနှင့် မလုံလောက်တော့ပါ။ ကြိုတင်အသိပေးသတင်းသည် အချိန်နှင့်အမျှ ပြောင်းလဲမှု ရှိနိုင်ပြီး ပြောင်းလဲမှုများကို ဆက်လက်၍ Follow up လုပ်ပေးရန် ကြိးစားဆောင်ရွက်ပေးရပါမည်။

သဘာဝဘေးအန္တရာယ်တို့၏ ခြိမ်းခြောက်မှုများကြောင့် မြန်မာနိုင်ငံတွင် ဆိုင်ကလုန်းနာဂစ်ဝင်ရောက်တိုက်ခတ်အပြီး လူ့အသက်ပေါင်း သိန်းနှင့်ချီ၍ သေကြေဆုံးရှုံးခဲ့ရြ့ပီး နောက်ပိုင်းတွင် ပြည်သူလူထုသည် သဘာဝဘေးအန္တရာယ်များ၊ မိုးလေဝသဖြစ်စဉ်များအပေါ် ပိုမိုစိတ်ဝင်စားလာကြပြီး၊ ပိုမိုလေ့လာလိုက်စားလာကြသည်ကို တွေ့ရမည် ဖြစ်ပါသည်။ ထို့ကြောင့် ကြိုတင်ခန့်မှန်းခြင်း၊ ကြိုတင်အသိပေးခြင်း၊ လိုအပ်ပါက ကြိုတင်သတိပေးခြင်းတို့ကို မှန်ကန်စိတ်ချရသည့် သတင်းအရင်းအမြစ်များကို အခြေခံ၍ သဘာဝဘေးအန္တရာယ်ရှိနိုင်သည့် ဒေသမှ လူအပေါင်း နားလည်သိမြင်လွယ်သော တင်ပြမှုများဖြင့် ကြိုတင်တင်ပြပေးသွားရန်လိုအပ်ပါသည်။

စူပါတိုင်ဖွန်းမုန်တိုင်း HAIYAN(31W) ကမ်းခြေသို့ ပထမဦးဆုံး ဖြတ်ကျော်တိုက်ခတ်ခြင်းမပြုမီ ၁၈ နာရီ အချိန်ရခဲ့ကြောင်း လူပေါင်းများစွာကို မုန်တိုင်းဒဏ်ခံ အဆောက်အဦများသို့ တတ်နိုင်သလောက် အချိန်မီ ရွှေပြောင်းပေးနိုင်ခဲ့ကြောင်း၊ သို့ရာတွင် အလွန်အားပြင်းသောမုန်တိုင်းကြီး၏ တိုက်ခတ်မှုကြောာင့် မုန်တိုင်းဒဏ်ခံ အဆောက်အဦများပင် ခံနိုင်ရည်မရှိ၊ ပျက်စီးသွားကြရသဖြင့် ပျက်စီးသေဆုံးမှု ယခုလောက်များပြားလာရကြောင်း မှတ်သားရပါသည်။ သဘာဝကပ်ဘေးသင့်သည့် အဆင့်သို့ ရောက်ရှိသွားသော မုန်တိုင်းဒဏ်သင့် ဖိလစ်ပိုင်နိုင်ငံတွင် ကယ်ဆယ်ရွှေ့ပြောင်းရေးလုပ်ငန်းများကို “အချိန်နှင့်တစ်ပြေးညီ” ဆောင်ရွက်ရန် “ကြိုတင်အသိပေး” နိုင်ခဲ့သည့်တိုင် အားလုံးကို ရာနှုန်းပြည့်ဘေးလွတ်ရာသို့ ကယ်ဆယ်ရွှေ့ပြောင်းနိုင်ခြင်းမရှိခဲ့ပါ။ “ကြိုတင်အသိပေး”နိုင်ခြင်းသာမရှိလျှင် … ပိုမိုဆိုးရွားသော လူ့အသက်များဆုံးရှုံးခြင်းနှင့် ကြုံတွေ့ရဘွယ်သာရှိပါသည်။

MMWeather သည် မိုးလေဝသပညာရှင်များမဟုတ်သော/ကွန်ပျူတာပညာရှင်များဖြင့် ဖွဲ့စည်းထားသည့် Non-profit ဝါသနာရှင် တစ်စုသာဖြစ်ပြီး နည်းပညာအကူအညီဖြင့် အချိန်နှင့်တစ်ပြေးညီထက် ပိုမိုအကျိုးဖြစ်စေမည့် ကြိုတင်ခန့်မှန်းခြင်း၊ အသိပေးခြင်းတို့ကို မိမိကိုယ်ပိုင်အချိန်၊ ကိုယ်ပိုင်ငွေအားစိုက်ထုတ်၍ ဆောင်ရွက်လျှက်ရှိပါသည်။ လာမည့် သဘာဝဘေးအန္တရာယ်ကျရောက်နိုင်မည့် ကာလများတွင် ကြိုတင်အသိပေးတင်ပြမှုများကို ပိုမိုဆောင်ရွက်နိုင်ရန်အတွက် MMWeather ကဲ့သို့သော ဝါသနာတူအဖွဲ့အစည်းများရှိလျှင် ပူးပေါင်းဆောင်ရွက်ကြရန် လေးစားစွာဖြင့် ဖိတ်ခေါ်လိုပါကြောင်းတင်ပြရင်း အဆုံးသတ်ပါဦးမည်။

1 comment to အချိန်နှင့်တစ်ပြေးညီသတင်း VS ကြိုတင်အသိပေးသတင်း

You must be logged in to post a comment.