နှုတ်ဆက်ရတော့မည့် ၂ဝ၁၃ ခုနှစ် မုန်တိုင်းရာသီ

၂ဝ၁၃ ခုနှစ်၏ မိုးရာသီ၊ မုတ်သုံရာသီနှင့် မုန်တိုင်းရာသီတို့ ကုန်ဆုံးတော့မည်။ သဘာဝတရားကြီးသည် ကျွန်ုပ်တို့အား ယခင်နှစ်များကဲ့သို့ မတူညီသည့် အရသာကို ပေးစွမ်းနိုင်ဆဲ၊ ပေးနေဆဲ ဖြစ်ပြီး ကျွန်ုပ်တို့ လူသားများကလည်း အလူးအလဲ ခံစားနေရဆဲ ဖြစ်၏။ မိုးလေဝသပညာရပ်သည် အလွန်နက်နဲပြီး ခန့်မှန်းရခက်ခဲသည့် သဘာဝတရားကို လေ့လာသည့် ပညာရပ်ဖြစ်သည့် အားလျှော်စွာ တိကျမှန်ကန်သည့် သတင်းထုတ်ပြန်ရေးမှာလည်း ခက်ခဲကြောင်း မိုးလေဝသပညာရှင်ကြီးများ၏ ခန့်မှန်းချက်၊ စာအရေးအသား၊ ယေါဟာရအသုံးအနှုံးမှ စ၍ သတင်းထုတ်ပြန်ချက်များအထိ လေ့လာသင်ယူ၍ မကုန်နိုင်ပါကြောင်း သာမန်ပြည်သူတစ်ဦးအနေဖြင့် ဝန်ခံရပေမည်။

အထက်အညာဒေသက မိုးကိုမျှော်နေစဉ် မိုးက မလာ၊ လာတော့လည်း အလုံးအရင်းနှင့်လာ၏။ စိတ်ဆိုးမာန်ဆိုး လာ၏။ အကြွေးမျှော်နေသူကို လာဆပ်သည့်ပမာ “သည်လောက်တောင် ရှိလှတာ ရော့ – အင့်” ဟု ဆောင့်ကြီးအောင့်ကြီး ရွာချသဖြင့် အနှီတိုင်းသူပြည်သားတို့လုပ်ကိုင်ဆဲ၊ အောင်မြင်လုနီးပါး အခြေအနေရောက်လုလု စိုက်ခင်းများ ရေအောက်သို့ ငုပ်လျှိုးကုန်ကြလေသည်။ မတ်စောက်သည့် တောတောင်များပေါ် ကျရောက်သည့် မိုးစက်တို့ကလည်း အားကျမခံ အရှိန်အဟုန်ပြင်းပြင်းဖြင့် ဒလဟော စီးဆင်းလာရင်း ရှေ့မှ ကာဆီးသမျှ လမ်း၊ တံတားမှန်သမျှကို သုံးမရတော့သည်အထိ အပိုင်းပိုင်းကျိုးပဲ့ပျက်စီးစေ၏၊

သို့သော် ကျွန်ုတို့သည် လူသားများ ဖြစ်ကြကုန်၏၊ ဤမျှလောက်သော သဘာဝဘေးအန္တရာယ်တို့ကို မမှု၊ ရသရွေ့စီမံပြီး နိုင်သလောက် တောင့်ခံကာ အားရှိသမျှဖြင့် ကာကွယ်ကြရမည်ဖြစ်ပေသည်။ ယခုနှစ်တွင် မုန်တိုင်းဟူ၍ မည်မည်ရရ “မဟာစန်” တစ်ခုသာ အနီးကပ်ခြိမ်းခြောက်သွားခဲ့သော်လည်း နောက်နှစ်များတွင် မည်သည့် အမည်နာမများဖြင့် လာရောက်ကြ၍ မည်မျှကြီးမားသည့် သဘာဝဘေးအန္တရာယ်တို့အား သယ်ဆောင်လာကြဦးမည်ကို မသိနိုင်သေး၊ သို့သော် စိုးရိမ်နေစရာလည်းမလို၊ လိုအပ်လျှင် ရှောင်ကြမည်၊ လိုအပ်လျှင် ကြိုတင်ကာကွယ်ကြမည်၊ လိုအပ်လျှင် ပူးပေါင်းကူညီကယ်ဆယ်ကြမည်၊ လိုအပ်လျှင် ဝိုင်းဝန်းထောက်ပံ့ လှူဒါန်းကြဦးမည်သာ။  ကြိုတင်ကာကွယ်နိုင်ရန်၊ ကြိုတင်ရှောင်ရှားနိုင်ရန်နှင့် ကြိုတင်စီမံနိုင်ရန်အတွက် ယနေ့ခေတ်နည်းပညာများကို ထိထိရောက်ရောက် အသုံးချ၍ ရဲရဲဝံ့ဝံ့ ရင်ဆိုင်ကြပါစို့ ဟု တိုက်တွန်းအားပေးလိုက်ရပါကြောင်း။

မှတ်ချက်၊
ဤဆောင်းပါးတွင် မိမိရိုက်ကူးဖြစ်ခဲ့သော ၂ဝ၁၃ ခုနှစ် သဘာဝဘေးအန္တရာယ် တွေ့ကြုံခံစားရသည့် ဓါတ်ပုံမှတ်တမ်းများ တင်ပြပေးခြင်းဖြင့် ပါဝင်ကူညီလိုသူများ ကူညီပေးပါရန် မေတ္တာရပ်ခံပါသည်။ ပုံများမှ ရွေးချယ်ပြီး တစ်နှစ်တာ မုန်တိုင်းရာသီ မှတ်တမ်းဆောင်းပါးအဖြစ် မှတ်တမ်းတင် သိမ်းဆည်းထားရန်ဖြစ်ပါသည်။
EMail ဖြင့် ပေးပို့ရန် – uwinnaing@mmweather.com

You must be logged in to post a comment.