ဘင်္ဂလားပင်လယ်အော် တောင်ပိုင်းမှ လေဖိအားနည်းဆဲလ် 95B ဆက်လက်တည်ရှိနေဆဲ

အောက်တိုဘာလ ၂၀ ရက်၊ မြန်မာစံတော်ချိန် နေ့လည် ၁၂၃၀ နာရီတွင် ၇ရှိသည့် NRL data များအရ  ဘင်္ဂလားပင်လယ်အော်တောင်ပိုင်းနှင့်ဆက်စပ်လျှက်ရှိသော၊ အိန္ဒိယနိုင်ငံ တောင်ဘက်-သီရိလင်္ကာနိုင်ငံ အရှေ့ဘက်၊ လက္ကာဒိုက်ပင်လယ်(Laccadive Sea)တွင် ဖြစ်ပေါ်လျှက်ရှိသည့် လေဖိအားနည်းဆဲလ် 95B သည် အားကောင်းလာသည့် အခြေအနေမရှိသော်လည်း အိန္ဒိယနိုင်ငံ တောင်ပိုင်း တမီလ်နာဒူးပြည်နယ် တောင်ပိုင်း Madurai မြို့တောင်ဘက် မိုင်၉၀ ခန့်၊ သီရိလင်္ကာနိုင်ငံ မြို့တော် ကိုလံဘို အနောက်မြောက်ဘက် မိုင် ၁၆၀ ခန့်အကွာ ပင်လယ်ပြင်တွင် ဆက်လက် တည်ရှိနေပြီး လွန်ခဲ့သည့် ၆ နာရီအတွင်း မြောက်ဘက်သို့ တစ်နာရီ ၉ မိုင်နှုန်းခန့်ဖြင့် ရွေ့လျားခဲ့ကြောင်း သိရပါသည်။

လေဖိအားနည်းဆဲလ် 95B ပိုမိုအားကောင်းလာနိုင်ဘွယ်ရှိ/မရှိနှင့် တမီလ်နာဒူးပြည်နယ် ကုန်းတွင်းအား ဖြတ်ကျော်ပြီး ဘင်္ဂလားပင်လယ်အော် အနောက်တောင်ပိုင်းပင်လယ်ပြင်သို့ ဝင်ရောက်လာနိုင်ခြေ ရှိ/မရှိတို့ကို ဆက်လက်စောင့်ကြည့် တင်ပြပေးသွားပါမည်။

လေဖိအားနည်းဆဲလ် 95B
20 Oct 2012 0600Z
Location: 8.6 78.2
Winds: 15 knots
Central Pressure: 1010 hPa

 
လေဖိအားနည်းဆဲလ် 95B ရွေ့လျားမှု အခြေအနေပြပုံ(အပေါ်)

အောက်တိုဘာလ ၂၀ ရက် မြန်မာစံတော်ချိန် ညနေ ၄ နာရီခွဲတွင် ဘင်္ဂလားပင်လယ်အော်၊ တောင်တရုတ်ပင်လယ်ပြင်နှင့် မြန်မာနိုင်ငံပေါ်တွင် တိမ်တိုက်စုဖွဲ့ဖြစ်ပေါ်မှု အခြေအနေပြပုံ(အောက်)

 

You must be logged in to post a comment.