ဘင်္ဂလားပင်လယ်အော်၊ တောင်တရုတ်ပင်လယ်နှင့် ဖိလစ်ပိုင်ပင်လယ်တို့၏ အခြေအနေ

ဘင်္ဂလားပင်လယ်အော်နှင့် ပစိဖိတ်အနောက်မြောက်ပိုင်းရှိ ဖိလစ်ပိုင်ပင်လယ်၊ တောင်တရုတ်ပင်လယ်တို့၏ ထူးခြားသည့် ရာသီဥတုအခြေအနေကို အောက်ပါအတိုင်း တွေ့ရပါသည် –

  • ဘင်္ဂလားပင်လယ်အော်အနောက်မြောက်ပိုင်းတွင် ထိုင်း မိုးလေဝ chart အရ လေဖိအားနည်းဆဲလ်တစ်ခု သြရိသပြည်နယ်(ကုန်းတွင်း)၌ ဖြစ်ပေါ်နေကြောင်းတွေ့ရပါသည်။ ၄င်းလေဖိအားနည်းဆဲလ်သည် အားကောင်းလာမည့်အခြေအနေမရှိပါ။
  • ဖိလစ်ပိုင်ပင်လယ်ပြင် မြောက်ပိုင်းတွင် ဖြစ်ပေါ်နေသည့် လေဖိအားနည်း ဆဲလ် (၃)ခု 94W, 95W နှင့် 97W တို့ ဖြစ်ပေါ်လျှက်ရှိပါသည်။ ၄င်းတို့ အနက် 94W Invest သည် မနီလာမြို့ အရှေ့တောင်ဘက် မိုင် ၉ဝဝ ကျော်ခန့် ဝေးသည့် ပစိဖိတ်အနောက်သမုဒ္ဒရာတွင် ၄င်း၊ 95W Invest သည် တောင်တရုတ်ပင်လယ်အတွင်း၊ မနီလာမြို့ အနောက်တောင်ဘက် မိုင် ၄၆ဝ ခန့်တွင်၎င်း၊ 97W Invest သည် မနီလာမြို့ အရှေ့တောင်ဘက် မိုင် ၃၇ဝ ခန့်အကွာ ဖိလစ်ပိုင် ပင်လယ်တွင်၎င်း အသီးသီး တည်ရှိနေပါသည်။
  • ၄င်းတို့အနက်မှ လေဖိအားနည်း ဆဲလ် 97W သည် အင်အားပိုမိုကောင်းလာကာ ဇလိုင် ၆ ရက် မြန်မာစံဗတ်ာချိန် နံနက် ၆နာရီခွဲအချိန်တွင် လေဖိအားနည်းရပ်ဝန်း အဖြစ်သို့ ရောက်ရှိလာနိုင်ပြီး၊ နောက် ၄၈ နာရီအတွင်း(ဇူလိုင် ၈ ရက် နံနက် ၆နာရီခွဲမှ ဇူလိုင် ၉ ရက် နံနက် ၆ နာရီခွဲ (မြန်မာစံတော်ချိန်)အတွင်း မုန်တိုင်းငယ်အဖြစ်သို့ ရောက်ရှိလာနိုင်ပါသည်။ မုန်တိုင်းငယ်ဖြစ်လာပြီးနောက် ထိုင်ဝမ်ကျွန်းဆီသို့ ဦးတည် ရွေ့လျားနိုင်ဘွယ်ရှိကြောင်း အောက်ပါ Mean Sea Level Pressure ခန့်မှန်းချက် ပုံများတွင် တွေ့မြင်နိုင်ပါသည်။

[nggallery id=8]

You must be logged in to post a comment.